الكحك الناعم

المقادير

لكيلو واحد دقيق..2 كوب سمنة وبالجرام هتكون ٥٢٠ جم (ده للناس اللى بتحبوا ناعم اوى) اللى بيحبوا اخشن شوية هيبقى ٥٠٠ جم يعنى كوبايتين الا معلقة تقريباً 3 معالق كبار سمسم معلقة كبيرة خميرة ، معلقة صغيرة مليانة بيكنج بودر ،معلقة كبيرة سكر لتفاعل الخميرة ،معلقة صغيرة بودر ،ريحة الكحك ،١٥٠ مل لبن مخلوط بالماء،معلقة كبيرة سكر بودرة تخلط مع الدقيق بيوحد لون الكحك من جوة وبرة ويبقى لونه محمص وجميل جدا رشة ملح

الطريقة..

هضيف الخميرة على ربع كوباية ميه دافية واضيف عليها معلقة السكر واقلبها كويس وتسببها تخمر على جنب السمنة السايلة (السمنة تبقى دافية مائلة للسخن مش مقدوحة) علشان تكون خفيفة على المعدة .

هضيف باقى المكونات الجافة (البيكنج بودر وريحة الكحك والسكر البودرة) على الدقيق واخلطهم كويس

هنضيف السمنة على الدقيق ونبسها بإيدينا كويس فى الدقيق لغاية ما كله يتشرب ..(الكحك مش بيتعجن جامد) لازم كل الدقيق يتشرب السمنه كويس جداا ودى أهم خطوة علشان الكحك يطلع ناعموبعدها نضيف الخميرة بعد ما تكون خمرت وارتفعت فى الكوب ونبتدى العجن هنضيف اللبن والماء ونلم العجينة كويس.

وهنضيفهم شوية بشوية بلاش نضيف سوائل كتير لأن السوائل لما بتزيد بتكون هى السبب الرئيسى فى نشفان الكحك

العجوه تتقلب بمعلقه سمنه وشويه سمسم وتبقي فى قلب الكحكه مش ظاهره علشان ماتنشفش والملبن يتنفض من النشا ويتعجن بمعلقه سمنه وسمسم وممكن مكسرات معاه ويتكور.

بعد كده ارص الكحك فى صاج بدون أى مادة دهنية افضل كفاية السمنة اللى فيه.

نكون مشغلين الفرن قبلها بربع ساعة الكحك السادة على ١٦٠ والمحشو على ١٨٠ ونحطوا فى الشبكة اللى فى النص بياخد من 15 ل 20 دقيقة حسب حرارة كل فرن ولما يهدي نزينه بالسكر البودرة.

وكل عام وانتم بخير