كنافة بالقشطة
مفيش رمضان من غير كنافة والنهاردة هيقدم لكم الخبر Today طريقة عمل الكنافة بالقشطة من مطبخ جوجو
المقادير
نص كيلو كنافه مفرومه كوب سمنه او ٢٥٠ جرام معلقتين كبار سكر بودره
للحشو٢ كوب لبن كوب كريمه لباني استخدمى كوب لبن مضروب ف الخلاط مع ربع كوب كريم شانتي ونص كوب قشطه بلدى٣ معالق ك نشا كله مع بعض على النار لحد ماتربط وسبيها تبرد
الطريقة
هتجيبي الكنافه المفرومه وتحطي عليها السمنه السخنه والسكر البودرة وتقلبيهم كويس جدا بعد كده هاتي صنيه مقاس ٢٦ مدهونه سمنه وحطي نص كميه الكنافه واكبسيها كويس وحطي الكريمه ومتوصليش للأطراف وبعد كده حاطي باقي كميه الكنافه وساوي وشها كويس وصبي شويه سمنه على الوش ودخليها فرن سخن على ١٨٠ لمده نص ساعه واول ماتخرج وهى سخنه صبي شربات تقيل بارد❤️😍 وبالف هناااا❤️❤️❤️❤️
الشربات: حله حلوه كده تحطى فيها ٢ كوب سكر وكوبايه ميه مغليه وتقلبيهم كويس بعد كده تحطيهم على النار ولما يغلي تحطى عصير نص لمونه وتهدى النار لمده ربع ساعه بعد كده تقفلي النار وتزودى ربع كوب عسل جلوكوز او عسل ابيض ومعلقه ك سمنه او زبده ورشه فانيلا اختياريوتستني يبرد وتصبيه على الكنافه وهى سخنه يعني كنافه سخنه شربات بارد وبألف هنا وشفا
About Author
