عادات غذائية سيئة هي السبب الرئيسي في انتشار الأورام الخبيثة
وفي لقاء به أكد الدكتور محمد عبد الوهاب المشرف على جهاز زراعة الكبد بمركز جراحة الجهاز الهضمى جامعة المنصورة قائلا :
الفترة المنصرمة انتشرت الاورام الخبيثة بشكل كبير .وأورام القولون والشرج بشكل خاص ٠٠٠
وبحكم شغلي في هذا المجال أقول لكم :الوقاية خير من العلاج ومهمة جدا وهذه مقولة يجب الوقوف أمامها كثيرا…
وان العادات الغذائية السيئة سبب رئيسي في انتشار أورام القولون بشكل كبير …
الملاحظات الأتية :مهمة جدا جدا لكم جميعا عليكم أخذها في الاعتبار …
١- جوع كتير . صوم الجسم لأنه بعد صيام مدة طويلة بياكل الخلايا الميتة وهذا البحث أخد نوبل العام الماضي
٢- قلل سكرك بقدر الإمكان هذه العادة جعلتنا ننسي طعم الحقيقي ونحن نشرب وناكل سكر لأن الخلايا السرطانية تتغذي علي السكر ٠٠٠
٣- حاولوا بقدر الإمكان عدم الأكل خارج المنزل .(اعملوا اكل برة جوه البيت)علي حد قوله
٤- أكثروا من أكل الخضراوات والفاكهة.اغسلوهم جيدا بالماء والخل .
٥- إشرب مياه نظيفة معدنية او فلتر مياة الصنبور وتابع صيانته بإستمرار.
٦- حاولوا علي قد ماتقدروا تقللوا استخدام الميكروييف …الطعام الطازج احسن.
٧- الزيت اللي تقلوا بيه مرة ارموه .. وماتستخدمهوش تاني.. خليكوا كرماء مع اهل بيتكم ونفسكم. وبالله عليكوا ماتحطوش البطاطس والطعمية المقلية علي ورق .. هاتوا مناديل.
٨- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.
٩- لو بتقدر تجري اجري… لومش بتقدر امشي كتير.. روح جيم ..العب تمارين في البيت ..الحياة حركة.
١٠- نام كويس خالص.. نام كتير .. نام بدري.
١١- متشربش عصير معلب ابدا ..اعملوا عصير فريش اشربوه انتم وأولادكم .
١٢- بلاش مياه غازية بالله عليكم ..تخلصوا من العادة دي فورا .. مش هتستفيدوا حاجة وهتخسروا كتير.
١٣- ماتحطوش الفتلة ولا الكيس بتاعهافي المية السخنة .. فضوها جوة المج وضيفوا عليها المية السخنة.
١٤- اوعوا تشربوا حاجة سخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيكم .. الموضوع منتشر جدا في القطار و المواصلات والمؤتمرات.
١٥- إشرب قهوة .. بلاش نسكافية..بلاش كريمر.. انت مش عارف تصنيعه ازاي.
١٦- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا.
١٧- ماتحطوش المياة في الثلاجة في زجاجات بلاستيك .. حطوها في زجاج .. ولو مفيش اتأكدوا ان رقم 5 مرسوم علي البلاستيك ..ده اكتر بلاستيك آمن.
١٨- ابعدوا عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..
هاتوا لحمة من الجزار وخلوه يفرمها ..انتم مش عارفين ايه اللي مستخبي جوا كل مكسبات الطعم دي.
١٩- حاولوا ماتاكلوش بعد المغرب اكلات ثقيلة .. التمثيل الغذائي بيقل بالليل ..كلوا فاكهة .. كلوا زبادي .. كلوا جبنة قريش.
ختاما … احموا نفسكم وعيلتكم .. المرض وحش .. وحش جدا ..
إستمتعوا بالأكل والشرب.. بس كلوا اكل صحي وإشربوا شراب صحي .
وأخيرا وليس آخرا الوقاية خير من العلاج والعودة للطبيعة هي أحسن طريقة للحفاظ علي صحتك
About Author
