البصارة
المقادير
نص كيلو فول مدشوش يتغسل كويس بميه سخنه نغلى ميه فى حله ونحط فيها الفول ونحط معاه بصله كبيره مقطعه واربع فصوص توم وملح وفلفل ورشة سكر ونسيبه على نار هاديه يستوى بعد ما نشيل الريم من على الوش وبعد مايستوى نطفى عليه ونحط اوراق الكزبرة الخضراء والشبت والبقدونس كله اوراق بنشيل العيدان ونقلبها مع الخليط ونغطى 5 دقائق وبعدين نشيل الغطاء ونسيبها تبرد شويه وبعدين نضربها فى الخلاط فى حله نحط زيت ونبشر توم ياخد اللون الذهبى نشيل منه شويه للذواق على مناديل مطبخ ونسيب شويه فى الزيت نحط عليهم البصاره إلى ضربناها فى الخلاط ونظبط الملح ونحط كمون وشطه ورشة بهارات بسيطه والجديد هنا هنطحن شمر على بردقوش على فصين حبهان ورشة قرفه وناخد منهم حوالى معلقه صغيره هيدوها نكهة جميله جدا تغلى غلوه واحده وبألف هنا
About Author
