الارز بالخلطه

وعشان رمضان كريم ومعروف بالعزومات عملنا لكم النهاردة رز بالخلطة 😘😘على طريقة الشيف جوجو

المقادير

بصله مفرومه،٢ كوب ارز بسمتي مغسول ومنقوع نص ساعه ف ميه ساخنه، سمنه، معلقه ك قرفه،جوزه الطيب،٧ بهارات،٣ معالق ك سكر + ٢ معلقه ك ميه٢ كوب شوربه مغليه،زبيب لوز او كاجو محمص او اي مكسرات ،ملح وفلفل.

حله على النار نحط السكر ومعلقتين ميه والسمنه وقلبي لحد مايتكرمل وبعدها نزود بصلايه مفرومه ناعم ورشه ملح وفلفل والبهارات وقرفه وجوزه الطيب ونقلب وبعدها ننزل الرز ونقلبهم سوا وممكن نحتاج نزود معلقه ك زيت وبعد التشويح نزلي الشوربه مغليه ونستني يغلو سوا وهدى النار لحد مايستوي بعد مايستوي تجيبي طاسه فيها سمنه وزيت وشوحي المكسرات لما تاخد لون اقفلي النار ونزلي الزبيب اول مايتنفخ ويتحمر كده هيكون جاهز …صفي السمنه على وش الرز بعد مايستوي وقلبي وقدمي الرز وعلى وشه المكسرات😋👌 وبألف هنا وشفا.